> حفيد الجنايز..سليل العز
هذه قصة وقصيدة للشاعر عبدالرحمن بن سعدي الغيثي والذي يعمل في إحدى مدارس الشرقيه.
يذكر لي أنه في يوم من الأيام وجد أحد الطلاب قد رسم صورة الأمير طلال العبدالعزيز الرشيد(_رحمه الله).
ووضعها المعلم مع بقية الأوراق المهمله فوجدها شاعرنا وأخذ يمسح الغبار عن الصوره ودموعه تنهمر على وجهه.
دخل عليه أحد المعلمين من المنطقه الجنوبيه فسأله من هذا يا عبدالرحمن؟؟؟
فقال له : هذا اللي مايضره جهلك فيه!!!!!!!
فكتب هذه الأبيات نختارلكم منها (((عساها تعجبكم)))
هذا سليل العز يا خاب خايبه=هذا ذرى المنضام مهدَّي صعايبه
هذا وريث المجد والعز والفخر=حفيد الجنايز ما انثنى في نوايبه
هذا زعيم وشيخ شمر هل الجبل=أمير الطنايا الضيغمي في جنايبه
هذا سيوف الهند تهتز ياظهر=مناها يمينه في معامع حرايبه
هذا نواصي الخيل ياقام ترتهب=وتضيع في ممشاه أصايل نجايبه
هذا رماح الموت تعرف فعايله=ومطاعنه بكبود الأضداد صايبه
هذا مزون الجود والسحب كلها=تحسد يمينه من جزايل وهايبه
هذا ليامن شاف صععبٍ تجشمه=على الخير دنيانا وقفت مصايبه
هذا ليامنه تبسم تهللت=على الخير دنيانا وقفت مصايبه
هذا هو أبو نواف إذا مانت عارفه=طلال أخو نورة عنه سارت ركايبه
عليه السلام وكل شمسٍ ليا أشرقت=فلابد ما تغيَّب سناها مغايبه
عليه السلام ويا عسى الغيث ماهمل=على قبره المعمور يسقي نصايبه
--------------------------------------------------------------------------------
ابن برزان
حفيد الجنايز قصيده جميله للامير طلال الرشيد
العرض العادي
