جاني جوابك شفت بالوجه تجمــيل = ياللـي فرعـت العلم بدون تدريس
اشرح لك الماضي واعطيك تفصيل = ياموجه المبدا عـلى غــير تاسيس
يامحلل الـتربه عـند ابن مـنديـل= افـعال شمــر مابـها رمز تدنيس
انـصح شـباب الــيوم واحـذر الجيل= لاتنقل التـزوير كسـب المفاليس
مانعترض لمن يفتـخر بالـتماثيل= كرام اللحاء مايـــبذرون الدنافـيس
تاريخـنا مابه همايل وتضـليل= بحضورنا فـاز الجبل بالـنواميس
ضياغمـن جيـنا على كنس الحيل = بــزمـام دكـلاتٍ تنخّـا سـناعيس
حنا كـبود الزمـل حمالة الـشيل= اهل السموت مـطوعين الملابيــس
حـنا ثـقل الروز ماهي طــهابيل = وسام الشجاعة تاجـنا من جبل عيس
اعــطيك بالـــماضي بيان المواهيل= بكون الجهراء وغيـرها ذبحة دريس
ومن دومة الجندل الى منقع السيل= منا سكـن بالجــوف ناس ٍ غواريس
انـشد ذلول وديـد عقــب الـمراميل= اخلو شداده مبعدين الملاميس
شيبا ظهر قـامت تـحض المخاليل= من عقب ماتطـوي بعـيد المراميس
تشـهد لنا سمـر الجبال المضاليل= يوم الفضول اهـل الـدروع الملابيس
واللي سـكن شط العرب دونه الليل = تسعـين قريـه للعبـيدي عواسيس
وجره علـى دار الجبل مثل ماقيل= بـريـع البكر خلو زعيم الـمطاويـس
دلايلن مابه ملاوي وتـعديل = ترى الهمايل كسبها يكـسر البيــس
واختامها بقول الغفيلي عن الميل= راع الذهوب الي نـشد بالمثل قيس
من لابــةٍ يـوم المـلاقا حـلاحيل= زوبــع الـياهبت هبــوب النسانيس
اعطيك عن جلة بني ياس بالـخيل= جولـة حـرار ماخلطـها قرانـيس
اجـلو صـدا عـن القلوب المغاليل= سلـم الجــدود الاوله مابها بيس
معـهم ثلاث غيـر عـد الزمامـيل= اخلو سروج الخيل وراحـت مقاويس
نعطي حـقوق النـاس ولانـقبل الميل= انشد فصيل عقاب يـوم المـتاريس
يـوم الخنـيسي باوله يندب الخيل= خيل الخليبص باوله وانـشد منيس
وشبرم راعي الهدلا بـعيد المصاويل= تر جرته رسمت على الجــدي تقييس
قام الطلب من فوق عــكف الزناجيل= عيـا يسلـم حايـمات القـناطيــس
لافرعـن نـجل العـيون المضالـيل= ينخن مثل عباس (1) وموارث نعيس(2)
اهــل الحميه ينطـحون المـقابـيل= قبل الطلي يرتـع مـع الذيب والتيس
ربعي هـل الوادي روس المشاكيل= قبــل زمان المفـتري والعواكيس
ضياغــمن جيــنا مــن مطلع سهيل = سلطان مارد يــوم جولاتـنا ديــــس
صـلاة ربــي عـد وبــل الهــماليـل = واعداد ماساج الـقلم بالقراطيس
(1)عباس وهو الشيخ عباس بن مهوس ال علي من اكبر شيوخ شمر وهو الفارس المشهور ..
(2) موارث نعيس وهو الشيخ ضاري بن طواله وهو الفارس المعروف من اكبر شيوخ الاسلم ..
والنعم بشمر كافة ورجالاتها الابطال ..
تحيتي وتقديري 00
انـصح شـباب الــيوم واحـذر الجيل
العرض العادي
