قصيده نادره جدا ومو موجوده بأي موقع من مواقع الشعر والمنتديات
تعبت عليها حيل وانتم تستاهلون
الشيخ مطلق الجربا (العيط) يقول بفرسه يوم عميّت عيونه
يتمثل كنها تقول وهويرد عليه بلسان الحال
قم يازقم يالعيط دور ادوانا
يم الاغات التي تداوي عمانا
ياليت ربي بالعمى مبتلانا
ليت العمى بعيون خطو الردوخي
يالعيط لاتنسا الفعول القديمه
لقفن طفخ مع خطات الخريمه
اكفهن واحوش كل القنيمه
يوم السكر بدماغ راسك يفوحي
تنساني يوم ا**ر عريشن من الذيل
مثل الشقايا لا تلاقن من السيل
ياماحديت الرمح بالجري والحيل
للجرف هو ويا الخباره جموحي
قال
ياسابقي فعلك فلانا بناسيه
وجميلك اللي فات ماني بجاميه
ليت للعمى يذكر طبيبن يداويه
لوهو بعيدن ما تطوله اشبوحي
جبته ولو دونه بحورن طوامي
لو كان دونه موحشات المظامي
ولو بالمثل ماليه جنود(ن)تحامي
ابذلك الجهده وافادي بروحي
اول برير اهلك حليبٍ وقرصان
والبر الاخر مرتعك فوق حوشان
باقيه لامن صار روقات الاذهان
كم مبلجن بالكون مني يروحي
ماقد ضريتك على الطهر والعيد
ولانهار فيه خز المفاريد
الا عليج انطح وجيه الاجاويد
ونيابهم من غير ضحكٍ تلوحي
قالت
يالعيط حوشان تفثلوه شمر
منولبهم دايم على اكوار ظمر
ياطول مارمحك عليا تجمر
والشيخ يطلب عفتك وانت توحي
يالعيط جان انك تريد المعارف
فحظر وفعلي واضحٍ وانت عارف
اذا نسفت الذيل فوق المعارف
نهار تكثر بالقروب الجروحي
قال
ياسابقي مانيب للفعل جامي
نهار ينخاط الدخن والجتامي
يوم السبايا فوقها كل رامي
تردينبي حوض المفنا والربوحي
قالت
يالعيط ياحان وقت اليل شفني
من يوم شوفي راح كلن حقرني
ولالي مجيبٍ يوم سلمى رمتني
ولاسوق بالشرهه لغيرك نصوحي
قال
منساك يالشقرا وانا بالدبيله
امرار ماهي مره نعتبيله
كم راس شيخٍ من متونه نشيله
في حد مصقولٍ بكفي يلوحي
قالت
يالعيط انا ماني على ذا صبوره
عقب الطرب والعز صرت محقوره
بين الهوادي والنسا والبزوره
منسيه يتنى غبوقي صبوحي
قال
ياسابقي مانيب بالبيت ناسيك
ولو غزيت ورحت بالقلب راعيك
فعلك بقلبي مايبارح وطاريك
الله يجيرك عن جميع السموحي
لو الدوا ينفع لعينك شريناه
لوكان في غالي التثامين سقناه
مارن لج عينك نظرها دفق ماه
ولاينفع الضميان كثر السبوحي
سكت الذهب لدواك لاشك مافاد
وارسلت يم الشام وابلادالاكراد
وخليت جيشي بين صدّر ورواد
ذولي مراويحن وذولي سروحي
قالت
يالعيط فعلك بينن ماجميته
وروحي فداك وشوف عيني نعيته
ومادبر الباري عليا رضيته
واللي جرا مكتوب في صفح لوحي
قال
الله على الشقرا الا صاح صياح
وتعلوطو جرد السبايا بالارماح
كم واحدن مني على صابره طاح
عليه بيضه طول ليله تنوحي
الله على الشقرا الاجن مفاتيخ
حادينهن قروم في ساقه الشيخ
افزع بربعن فعلهم له تواريخ
وانا بجفي صارمي والظبوحي
الله على الشقرا اذاقوضنا
وشالو عليهن بالوقا كل فنا
وانا على التالي جوادي تثنا
لاذل عشيق الهنوف الطموحي
الله على الشقرا الاجن مع الريع
نصفن مجاويخن ونصفن مداريع
اردهن لعيون بيض مفاريع
ووالي السما يفك روحه وروحي
الله على الشقرا الفتات الصنيعه
لاحل بين الابتين القطيعه
لاشك في نفسن عليها فجيعه
وراعي التمني مثل زراع صوحي
مساجله شعريه للشيخ مطلق الجربا
العرض العادي
