بسم الله الرحمن الرحيم
هذه هي الملحمه الشمري للشاعر عبدالرحمن الاسلمي الشمري وقد تقولون انها مكرره الا ان اغلب المواضيع التي تتكلم عن الملحمه تاتي بها ناقصه وهذه هي كامله وهي كتابيه
قـال الـذي ينظـم بديعـات الالحـان=أبيـات شعـر صاغهـا مـن ضميـره
مثايـلـه در ولـولــو ومـرجــان=وحقايقـه فـي عـز مجـد العشيـرة
لي لابـة يـوم اللقـى شانهـا شـان=عـز العميـل وضـد وجـه المغيـره
كانـو ولا زالـوا للأمجـاد عـنـوان=هـل الوجيـه الطيـبـة والسفـيـرة
شاهدهم التاريخ من ماضـي الأزمـان=قلـيـل مـنـهـم والاوادم كـثـيـرة
غـل لكبـد المعتـدي ســم ثعـبـان=غلـبـا ولا دارت عليـهـم كسـيـرة
شمر ليا غطـى سمـا الكـون دخـان=هـم الطويلـة مايـبـون القصـيـرة
من صلب حاتم نسـل حميـر وكهـلان=مـارددت صلـف الـريـاح تحفـيـره
أبين مـن النجـم الشمالـي ليـا بـان=واشهر مـن اللـي بالسمـا مستنيـرة
لـه فـارق مابيـن حضـر وبــدوان=الطيـب واحـد والسمـيـه خشـيـرة
من قلب نجد وبصمـة الوقـت عنـوان=يامـا تـطـب ديـارنـا بالجـزيـرة
كـل ديـرة فيهـا لنـا نـزل واعيـان=وان لحـت الدنيـا لنـا كـل ديــرة
مروين مـن دم العـدا كـل عطشـان=السيـف معـنـا مايعـرفـه جفـيـرة
ماهـو ردى سبـع القبايـل وحقـران=كلـن ليـا هبـت لـفـح زمهـريـرة
لاقسمـوا حـق النشـامـا بمـيـزان=حنـا لنـا حـق العقـيـد ووزيــرة
هـل الطنـا غلبـا سناعيـس يمنـان=زهـيـد لادق البـعـيـر بـهـديـره
هل اللحيسه لادبـر الوقـت وان شـان=راهيـن وكبـار المنـاسـف نـديـره
لنـا علـى الـردات عـادة وديــدان=يامـا يسـوق مـن البشايـر بشيـره
عبده وسنجارة والاسلـم هـل الشـان=ربعـي ليـا شـح الزمـان بغـديـره
قبـايـل مـنـا شـيـوخ وفـرسـان=خضنـا بهـم جـم البحـور الغزيـره
منا العقيـد الصيرمـي طيـر حـوران=فارس ولا عرفـوا هـل الجـود غيـره
ابـو المحمـد مثقـل المـزن هـتـان=يالله عسـى ماتنقطـع لــه بـذيـره
ومنـا بنيـه لا ارزف الجمـع دنـدان=كم مـن عشيـر فرقـه عـن عشيـره
نعم بابـو عبطـه سعـد كـل بلشـان=الشيـخ زيـزوم الجـمـوع الكثـيـرة
وصفـوق وان قيـل المحـزم بليهـان=يثني ليا بـات الـردي فـي حصيـرة
وعدة لأبـو خـوذه ربيـع السـوادان=عبدالكريم اللـي كسـا النـاس خيـره
وتل اللحـم وسميـر واسعـد وزيـدان=ومسلط ليـا جـار الزمـن نستجيـره
وفرحان والعاصي ومطلـق و وطبـان=ويكفيـك بالهـادي جنبهـا وامـيـره
وان جيـت لليـاور لنـا فيـه نيشـان=مـادار فـي وسـط المحاكـم يديـره
واللي عتق شمر عن المـوت مشعـان=مرسـل لبـغـداد العـذيـة سفـيـره
جربان من جربان من سـاس جربـان=شيوخ الجهامـة والسلـف والمسيـره
نعـم بهـم لاشبـت الكـون نـيـران=يملون مـن حجـر المعـادي حجيـره
ومنا ليـا عـدوا هـل الفعـل فهـران=جديـر بالفرسـة وهـي بـه جديـره
ياجاهـل الصيـداد ينبـيـك بــأذان=خـذ الخبـر لامـن لفـا بـه خبيـره
يعطيـك مـن ميـزر لمالـك لكنعـان=لإخـوان رفعـة والصيـارم خطـيـره
ومنا شهوان الضيغمي طلـق الايمـان=له سيـرة مالـه مـع النـاس سيـرة
ومنا عـرار الخيـل للغـوص سلطـان=ومنـا الشجـاع عميـر اخـو عميـره
وعبيـد قـواد السبـايـا بـالأكـوان=ابـن رشيـد اللـي سواتـه كبـيـرة
هان الصفا من ضرب صرخـه ولاهـان=ماطـال مـن كـف بتـر لـه جريـره
ومحمد المهـاد مـروي شفـا الـزان=مـاداس مـن جدبـا جعلهـا خضيـره
ومنا الجنازة يـوم روغـات الاذهـان=تبـرك ملـوك المـوت مبـرك بعيـره
ماهـاب مجلـول المهابـه كحـيـلان=يفـوح مـن طيـب الضياغـم عبيـره
يشهد لهـم قصـر الاعيـرف وبـرزان=ومن سيـس الاولـى طلـع بالأخيـرة
وابن علـي راعـي الطويلـة بعيجـان=سمـن العرابـي منخلـط بـه بعيـره
وان قيل ابن ماجـد تناهـض عقابـان=ابـن عجـل سيـل الربيـع ومحيـره
وابن سعيـد مشبـع الذيـب سرحـان=مغنيـه يــوم ان القبـايـل فقـيـره
ومنا المسمـى بالعـرب ابـن جبهـان=شبـرم زبـون الوانيـه المستنـيـره
والقرم ابن سوقي على المـدح زافـان=مافـات مـن ورده لفـا بـه صديـره
وابن جدي راضي وابا اللميـخ فنخـان=وطـلال ابـن غـازي كعـام المغيـره
ومنا ابـن هبـاس كـان اللغـا شـان=علـى العـدو دابـر رهيـب صبيـره
ومنا ابـن نهيـر نـدا وابـن جـروان=هـل النبـا المعهـود واخـوة منيـرة
ومطني ليـا دور رح المـوت طنيـان=يذري علـى روس المعـادي ماتذيـره
وابا الوقي وعبدالكريـم ابـن سبهـان=واللـي نكـر حـق الطليعـه دبـيـره
وكذلـك الجبريـن لا حـان مـاحـان=عدوهـم ماينـعـرف وش مصـيـره
واقول ابـن عـراك والشيـخ زيـدان=ويكفيـك ابـن هثمـي مجـار وجيـره
ومنـا دغيـم صـار للطيـب ميـدان=لا شحـت العسـره جعلهـا يسـيـره
وابن برع وابن المعبهـل لهـم شـان=وابـن مصيـول بالليالـي العسـيـره
وان قالـوا التميـاط نعـم بضـيـدان=طيـر السعـد بالجـو محلـى مطيـره
واثني علـى سمـي سميـه وراكـان=وبرغش كعـم اللـي يتناشـر نشيـره
وزيد وسند من خلقـة الربـع تومـان=ومن ذلـل البكـره عقـد بـه ظفيـره
ويعيش ابن عايـش ذرا كـل جيعـان=يعطـي العطايـا ولا يخلـي ذخـيـره
والحثربي ويا الحـدب وابـن عـردان=وعندنـدح التجغيـف يـا وي سيـره
ومنا ابن زويمـل فهـد وابـن رمـان=وكذلـك الامسـح علـومـه سفـيـره
ومنا العجرش مـن عدامـا وهيشـان=وشويـش نعـم فيـه عـز القصيـره
وابـن عبيكـه والعبكلـي وغضـبـان=وسفاح وابن هذيـل شـوق الصغيـره
ومنا الطويل اللـي يوصـف بشامـان=وابـن غشـم ضـده حياتـه خطيـرة
وابـو وتيـد ليـا شهـر والثنـيـان=وابـن دهيثـم والمحيـثـل جـديـره
والموعدي ومنيـس وابـن الهبيكـان=وابـن رخيـص ليـا تكتـم غبـيـره
والقرم ابن دايس علـى العـي عيـان=يركـي علـى كبـد المعـادي سعيـره
وابن الشلاقـي والشريعيـب شجعـان=وابـن صخيـل ومـن يقـرب لبيـره
ومنا ابن سويحل عن الضيـم مزبـان=عايـد تــرا والله مايطـيـر طـيـره
ونعم بضـاري واخـو فلـوة سليمـان=وابـن محمـود الفيضـة المستـديـرة
والشايـب جنـاع القعيطـي ذويبـان=اللـي مثـل هـزر الأوافـي هـزيـره
خلايف اللـي هيـس الـروح زعـلان=ماعرقلـه عمـه نـوا لـه شـويـره
هايس ليا مسـت مصاريـع الارسـان=يـرد الخطـر قبـل يجـي لـه نذيـره
وحمـود ابـن بقـار نعميـن يافـلان=كريـم سـبـلا والعـطـا مايضـيـره
والفعـل لعيـال الطـوالات بـرهـان=طـب النفـوس المخبثـة والحقـيـرة
نعم بهـم مـن دور برغـش وعـدوان=والحودلـة حـودل جـمـوع كثـيـرة
وضاري اخو صلفه ومثلـه فـلا كـان=عـز السبـاع الجايعـات ونصـيـره
ومنا ابـن عيـاده لا اطريـت صديـان=وفـواز ابـن سـراي ذرب المسـيـرة
ومنـا ابـو قريبـان ياقيـل جدعـان=حمـاي عجـلات الدبـش بالظهـيـرة
وذيـاب واللـي غالـط فيـه غلطـان=على الصحـن لـولا الحيـا دق زيـره
وفنيطـل الوجعـان للكـون وجـعـان=يـدي مـن رقـاب النشامـا نحـيـره
وكردي ليـا مـن دوروا فيـم بيكـان=وهيكل نظيـر اللـي تعومـس نظيـره
وجديـل قرنـاس الـهـوا والدلـيـان=عدوهـم بالكـون حـاسـوا مـريـره
وان قالـو الكتفـان مشـرف ووبـران=وتيـرة والطـيـب معـهـم وتـيـرة
وراعي الجوار ان قلـت منـا وهيهـان=مشـوط صعـوط الصبـة المستطيـرة
وثانـي اخوسـارة ولالـه معـه ثـان=سعـد الوجيـه العابسـة القمطريـرة
ومنا البـرازي وهـو تـروس بزبـلان=ودليـم زافـور السريـحـي زفـيـرة
والمايحـي وابـن بشـر والعنـيـزان=والفاضلي وابن كفـش عـن عشيـرة
وطارش وابن عجرف وابن نمر عرسان=القافلـة بـأدنـى حديـهـم غـريـره
ومنا ابن سبيه ونعـم وابـن خدعـان=يكـفـونـا بـعـدونـا مانـعـيـره
وابن شفق راضي وصـرد واللبيخـان=وابـن بريطـم والصقيهـي نظـيـره
ومنا البدر وابن بدر وابن مروب جعيدان=وابن لويـش القـرم واخـوة سويـرة
ومنا ابن مغامس وابـن نيـف ذيبـان=غمـر المراجـل والثنـا هـم غميـره
ومنـا القديـري والمجيحيـم وسنـان=وعظيـب والزمـاي وابـن القطـيـره
وراعي البويضا لا حضر وابن نفجـان=وشخيـر البصـري وغيـره وغـيـره
صيـارم تهتـز لـه سبـع الأركــان=خالين مـن عـرق الدنـس والمعيـره
هذا ولا قصـدي للـي غيـر نقصـان=كلـن علـى حقـه سيوفـه شطـيـره
ومــادام تـيـار الأوادم لـيــا لان=يظهـر مـن كبـود العـذارا بـريـره
وتمـت قصيـدة قايلـه ابـن راكـان=يفهـم لغـاي مفتحـيـن البصـيـرة
...........................................
شرح لبعض الاسامي الوارده
ابن جروان يقصد بهم الجروان من عبده من شمر
ابن سوقي من شيوخ الويبار من عبده
ابن هثمي هو كداش بن هثمي شيوخ الدغيرات من عبده بالعراق
ابا الميخ هو فنيخ ابا الميخ من الفضيل من عبده من شمر
ابن عراك من المغامس شيوخ الزقاريط وهو غير ابن مغامس المذكور في اخر القصيده المجمل في
فرسان الاسلم
ابا الوقي هو كنعان الفداغي من زوبع من شمر
الامسح هو شايع الامسح من الرمال من سنجاره
ابن عبيكه من الرمال من سنجاره
ابو قريبان هو لقب للشيخ جدعان بن حسان من شيوخ الاسلم
كردي هو الفارس كردي القحيص من النبيجان من الاسلم
جذيل هو الشيخ جذيل اللغيصم من شيوخ المسعود من الاسلم
ثاني اخو ساره هو الفارس ثاني العبيدي الهمزاني من الجذله من الاسلم من شمر
مشوط هو مشوط الهيهي من الجحيش من الاسلم
ابن عجرف وابن نمر من شيوخ اللحالحه من الاسلم
ابن مغامس هو الفارس عواد بن مغامس من الجذله من الاسلم
ابن سبيه من كبار الخرصه من زوبع من شمر
شخير البصري هو شخصير بصري الوضيحي من الثابت من زوبع
راعي البويضا هو ابن حسان من الاسلم من شمر
هايس هو الشيخ هايس القعيط من الخرصه من زوبع
ابن دايس من كبار الخرصه من زوبع من شمر
العبكلي من شيوخ الشلقان من زوبع من شمر
ابن هباس من شيوخ الويبار من عبده من شمر
واعذروني على التقصير