الاسلم اشتهروا بالحميه حتى اطلق عليهم لقب (( اهل اللحميه ))
يقول الشاعر الكبير عواد الوبير
واهل اللحيسه كانها بالحميه .. واولا علي محضبين المتاريس
طبعا من غير قصور بالبقيه فهم اهل حميه وتاريخ مشرف .. وومما يدل على حمية الاسلم مواقفهم
المشهوره في الفزعه مع شمر ومما يميز هذه الفزعات انها تاتي بعد خلاف .. واذا اكتب هذا الموضوع
لااعطاء نبذه عن بعض فزعات الاسلم ومواقفهم البطوليه في الدفاع عن حائل وقبيلة شمر .. وشمر
اشتهرت بالترابط فيما بينها بالقدم وتناسيهم للخلافات عند المساس بهم !! فهذا ضاري بن طواله
يفزع للرشيد وكذلك معركة بقعاء والتي خاضها ابن رشيد وشمر من اجل صيحه الاسلميه فرحم الله
الرشيد والطواله وفرسان شمر ورجالهم
1)فزعة الشيخ ضاري بن طواله للامير سعود بن رشيد في معركة الجوف الشهيره :
كان الشيخ ضاري بن طواله والاسلم على خلاف مع الامير سعود بن رشيد وحسب ماسمعت ان
سبب الزعله كانت علشان اباعر شخص من قبيلة المسعود والذي علشانه جلى ضاري بن طواله
ومعه الاسلم الى الجهراء وسفوان وهكا الديار .... فبعد ان حوصر الامير سعود بن رشيد ابو خشم
في الجوف من قبل الشعلان ومن معه من القبايل خمسة شهور ارسل قصيده قالها العوني على
لسان ابن رشيد ومن ضمن هذه القصيده البيت المشهور
وأنخ ضاري والأسلم قل تجي كله _ وأخو صلفه اليا منه كلح نابـه
وعندما وصلت القصيده للشيخ ضاري بن طواله رحمه الله قال :حت خيال الهدلاءطويل انا اخو صلفه
تبونه الجمل و ما حمل أو مسلوله0 فقلنا: نبيه مسلوله الان ربعنا محاصرين واخاف ان ينتهى زهابهم او يحصل لهم مكروه قال: اظهورهن ..
ووكان النصر بعد الله لضاري بن طواله لانه اللي صاح ورد على عنزه وردوا وراه شمر عقب ما كسروهم عنزه أول المناطح وأنتصروا ربعهم يوم الله نصرهم
وعقب السعد أستانس الأمير سعود أبوخشم على فزعت شمر وخص ضاري والأسلم وقال اللي بيني وبينك يا ضاري حدر الفراش
وسالفت فزعت ضاري بكت أبن شعلان وقال أبن طواله فزاعن لبن عمه من الجهرا وأنا ابوي أسمع نبيح كلابه ولا فزع.
يوم جا نواف سلم عليه ابوه النوري ولا ردعليه قال تهجرني وانا ابوك قال ايه اهجرك تنحط انت وابن دغمي لك خمس شهور جيناك وجاك العون وهذولا مايتحاكون فزعوا قال هذولا ياجتمعوا عند شيخهم يرهبون الدول ما هو انت يالبدوي
.................................................. ..........................
2)فزعة الشيخ نعيس بن طواله في معركة بقعاء الشهيره :
اشتد الخلاف بين الامراء ال رشيد والطواله بعد لجوء عيسى بن علي اخر امراء الجبل من ال علي
فحاول عبيد بن رشيد الامساك به الا ان الاسلم بقيادة نعيس بن طواله رفضوا تسليمه فقرر عبيد
بن رشيد مواجهة الطواله فحدثت المواجهه في سميراء التي تقابل فيها عبيد بن رشيد مع فارس بن نعيس الطواله وعندما
طالت المواجهه والكر والفر واحس عبيد بقوة فارس بن طواله فأخرج مسدسا كان معه واطلق منه لتصيب ركبة فارس وتنقطع فيما
بعد 00 وقد كان قال له اخاه الامير عبدالله بن رشيد ((لاتؤذي نعيس ابن طواله ترى يجي يوم ويبرد كبدك 00))
قال ميزر بن زياد الطواله يمتدح وقوفهم ضد عبيد الرشيد علشان العلي:
جانا اخو رثعه بالجمـوع الرهيبـه ....... يبي العلي منـا حصـان الاطاليـب
ودخيلنـا ياعبيـد كلـن يهيـبـه...........ولا ينمشي به حق يامنقع الطيـب
متعليـن عـده بـراس الجذيـبـه ......عده بعيطاء عن سمـوم اللواهيـب
وركبوا على قب السبايـا العريبـه ....نطاحة الجمـع الموالـي الياهيـب
ربعي هل الهـدلاء نحـاز الحريبـه........لازغرتن بيض العذارى الرعابيـب
تشدى لزلزال الرعـد مـن مغيبـه........وفعل الصواقع بالسيوف المحاديـب
ياكن وصف ادلاينـا فـي شعيبـه.......ادلاي عقبانـن شطـار المخاليـب
الخيل عن فارس غدى لـه حطيبـه.....نعمن باخو وضحى مهدي الاصاعيب
الى غير ذلك من المشاكل التي وقعت بين الشيخ صديان بن عياده مع الامراء ال رشيد
وعند وقوع معركة بقاء تناسوا شمر الخلافات التي بينهم فجاء نعيس بن طواله ومعه الاسلم وابلوا بلاء حسنا
وقال الامير عبدالله بن رشيد
لاخيه عبيد هل شفت فعل نعيس اليوم؟ تشوف فعل نعيس
بالفرسان وكأنه يذكره كلامه السابق عندما قال لاتقتل نعيس تراه يجي يوم يبرد كبدك00
.................................................. ...........................................
3)فزعة الشيخ برغش بن طواله والاسلم في كون الجميماء ومعركة ياطب :
بعد حدوث الخلاف بين الشيخ برغش بن طواله والامير عبدالعزيز المتعب الرشيد وقد اختلفت الروايات
في اسباب هذا الخلاف ولاانريد التطرق اليه خرج الشيخ برغش غاضبا ومعه الاسلم عن حائل وبعد مقتل
الامير عبدالعزيز الرشيد وتنصيب الامير سعود بن عبدالعزيز الرشيد على الحكم اجتمعت قبائل عنزه
كامله بايعاز من الملك عبدالعزيز بعد ان راي ان سعود لازال صغيرا وكان تحت وصاية زامل بن سبهان
فارسل زامل بن سبهان قصيده للشيخ برغش بن طواله وقد قدم برغش والاسلم وشاركوا في معركة الجميماء
وابلوا بلائا حسنا .. كذلك يذكر وقفة برغش بن طواله وفزعته في معركة ياطب بعد اجتماع الدويش ومطير
حيث يقول العوني
سيروا كفاكم شر مابـان واختفـاء..هلى هربن خمص البطـون صيـام
شاشن من صيحات علوا وساقمـن...عن الشرب والمرعى جزن عـدام
وسلمى تنادي وين الاسلم وصيتهـ....موادعت قلـوب السامعيـن حطـام
تصيح يابرغش على سالفن مضـاء....عـزاه ماتـدراء علـيـه هــدام
هو مقدم الهدات هو فارس الوغـى......حــام التـوالـي للمعـالـي رام
4)فزعة الجنفاء للشيخ برغش بن طواله ضد الامير محمد بن سعود غزلان في المجمعه
حدث خلاف بين واحد من الجنفاء وواحد من المنيع من ربع برغش بن طواله على عد مقام قال
نهار يمكن برغش مايعلم شيء عن هذا الخلاف أصبحه وأشوف وش عنده وعندما أخبره
الصبح رد عليه قال يانهار أنت تدور الملوك بالمجمعة ملككم ماهو عندنا يم كحله وسروال
وكحلة وسروال يم أجا كحله سوداء مثل الكحل وسروال ضلعه مسروله به خطوط قال اللي
أنت تذكر أملاك لنا فوقهن نخل وماء وتحتهن زروع ورحلوا الجنفاء الصبح ونزلوا على جو
يقال له الكضيمة وفي الصباح الثاني شاهدوا العجاج على صوب المكان اللي رحلوا منه أمس
وركبوا خيولهم وعندما أقتربوا من المكان قابلهم واحد هارب بنياقه عن الغاره قال يانهار
لاتخلي الأسلميات وبيت برغش واتجه نهار هو وربعه الى مكان الغاره ووصى خوياه أضربوا
القوم ولاتفرقون أضبوهم جمع وأطلعوا جميع واتفقوا وضربوهم مرة وثانيه والثالثه أنتهضت القوم عن بيت برغش وأبتعدوا قال غزلاان من يجي نبي نحاكية قال برغش يالأسلم من يحاكي
بن سعود قال نهار أنا أروح احاكيه وتفاوض هو واياه وأثناء التفاوض كانت عيون القوم فوق
تناظر شلفا نهاروكان فيه سبيعي يأشر بيده لنهار يريد منه ان ينزل شلفاه فلما رفع نظره نهار
الى شلفاه واذا كلها بها قطع من اللحم والدم وسأل نهار عن ابن عمه مسلط الجنفاوي قال بن
سعود والله مابه شيء الا أننا ثقلنا عليه خفنا ان ينذر قومكم واذا رجعت سوف أطلقه ورجع
نهار ومر على برغش وقال برغش عساك جبت لنا الأمان من الأمير قال جابنه الكحيلات
كرمنابهن وذبح من الكحيلات ثمان وبعد ذلك ودع نهار برغش وقال برغش خل الفرس تشرب
من هالراويه قال تشرب من اللي أنت قلتلي أمس من كحلة وسروال قال برغش لاهلحين أنت
على زعلك قال بي زعلي لكن ماخليك للأجناب..
وقال : شاقي الجهني يذّكر برغش بن طواله
ياشيخ يامروي شبات الـسـلالي # ياللي بكل المرجله يمدحونه
يامـعـرب الجـدين عـم وخـــالي # بالله عليك الصدق لاتجحدونه
كون جرى بالمجمعة له ظـلالي # 0 0 0 0 0 0 0 0 0
لولا الهدد كون له أول وتالي # برغش زبون الجالية يذبحونه
جوك البعيّر فوق مثل السيالي # حماية الساقه وســاع طعونه
أخوان ميثاء مكرمين السبالي # كم واحـــد برماحهم يطعنونه
كلــه لعين معبسات الشـمـالي # يامــا تفادوا بالكحيلات دونـه
5)مواقف الاسلم في حصار حائل ::
رغم كثر الخلافات بين الاسلم واسرة ال رشيد وكثرة ماجرى بينهم من مناوشات كثيره دافعوا الاسلم
بشراسه عن حايل مع ابناء عمهم شمر وقد سقط منهم االكثير من القتلى حتى يقال انه لم يبقى من
عشيرة الهمزان الا القله بعد سقوط اغلبهم قتلىا في الجليده والشعيبه وقد استاطعت عشيرة الوهب
المحاميد من الاسلم ومعهم البعض من الهمزان والجحيش من الحاق الهزيمه بسبع بيارق من الاخوان
في الروضه ويسمى كون الروضه وكذلك كان الشيخ ضاري بن طواله يغزي ويغنم ويطعم اهل
حايل ايام الحصار ويقول (( هذا حقك علي .. ياحايل )) حتى
قتل رحمه الله غدرا عام 1339 هـ
وكذلك العقيد دعسان الهمزاني والذي قتل قائد الاخوان بالروضه وكان قد اسر من قبل الاخوان سابقا
وعرض على الامير محمد بن سعود اخ الملك عبدالعزيز وعرض عليه بيرق للاخوان ولكنه رفض
وهو كذلك الذي طرد الاخوان من السبعان بعدما رمى قائد الاخوان وكسب فرسه (( اعتذر عن ذكر
اسمه )) وبعد سقوط حائل بقي في السبعان وقد انضم معه من شمر ممن رفضوا فكرة سقوط حائل
وظلوا يدافعون في السبعان اسبوع حتى قتل رحمه الله غدرا على يد بعض الفئات من الاخوان ممن
ينتسبون لشمر عام 1340 هـ وعمره 33 عاما رحمه الله
يقول الشاعر العبده من الجعفر من عبده من شمر وهو معاصر لسقوط حائل معاتبا بعض شيوخ شمر
ومثنيا على الشيخ ضاري بن طواله والشيخ مجول بن زويمل والعقيد دعسان الهمزاني
فابتدا بالشيخ ضاري بن طواله اخو صلفه
ضاري على أسمه بالشرف و الحبابه
=========== من نسل هاشم لقحطان الشريفه
راع الأصابع الحميّة غدابه
========== بيت الوبير اللي ذكر بالسليفه
ويقول بالشيخ مجول بن زويمل من الغفيله من شمر
و مجول تمراء يوم مرّه صطابه
========== و صلّه على الأخوان يضرب بسيفه
ويقول بالفارس دعسان الهمزاني
ما شفت دعسانٍ فداء بـِ شبابه
======== بصفوح سلمى بالفياض النظيفه
وفي الجليده بعد ان استعد الجحيش البعير ومعهم من انضم معهم من الاسلم من الهمزان والوهب
في رمضان وكانوا يهدفون لملاقاة الاخوان وبينما كانوا يصلون القيام في العشر الاواخر من ثلث
الليل هجم عليهم الاخوان وقتلوهم وقتلوا شيخهم بندر بن صديان بن عياده غدرا وهم يصلون
وقد قتل من الوريك فقط 90 رجلا ويقال ان قتلى تلك الليله ((410 )) اغلبهم من الاسلم
تسعين لحيه كلهم عزوتلي ....ضحوا بهم عوجان الألسن قبالي
مامنهم اللي ذل وإلا استذلي ...ولاواحد منهم لجا بالجبالي
ياراكب حمرا تتل المتلي ....عملية ماصفقت بالمفالي
كزه على الهدلان عز المتلي ...منصاه اخو صلفة عديم العيالي
قل اشكي لك الاقدام دمه يشلي ...امشي على الرجلين مابي نعالي
اليوم ضاري يابعد كل ملي ..اليم ضاري ياخلف من غدالي
اغزوا على الدوشان ثاروا بخلي ...خلوا عليهم مثل يوم جرالي
اعمل بهم عمل العديم المغلي ...وداعتك .......... خبيث العمالي
غوش المحمد ملحقين المتلي ..ردوا علينا يوم غبر الليالي
جونا ضنا وهب على كور جلي ...امسبلين ارقابهم والحلالي
يستاهلون المدح ياصار ذلي ..يستاهلون المدح ربع الشمالي
وهناك قصيده لشاعر يقال انه للعبده من الجعفر ويقال انه لشاعر اسلمي قديم
يا حيف ديرتنا خذوها الخواوين
..............خذوها باسم الشرع في دين الإخوان
(إبن....) بالخزي و(إبن....)
..............واللي وراهم بالردى أنصار وأعوان
اللي قطع بالناس حتى القريبين
..............على المطامع كن صابه عمى ألوان
و(إبن.....) للأسف عقرب الطين
..............يخسى ولـو سمَّوه ناسه فــلانان
بأوهامهم قد باعو الخلق والدين
..............يلعنهم الخالين من معنى الإنسـان
والناس صيامٍ وبالأمن نيمين
..............غدر بهم ربيبهم (طير برمــان)
بألف وثلاث أميه وتسع وثلاثين
..............صباح ليل القَدِر في شهر الإيمـان
يوم (الشعيبة) يوم ذبح المصلين
..............خمسين من قتلى (الهمازين) فرسان
صالو وجالو وإنذبح فوق الألفين
..................والكل منهــم لين ودَّع بليهان
والإبل دونه (صايلٍ) قرة العين
.............. و(منوخ الغانم ومجـول ومشعان)
صاح (آل بعير) في صطار الغلامين
................وأعطوهم الحامي جهابيذ الأكوان
جميعنا نعرف سوايا (الهمازين)
..............مصبح ونايض مع جخيدب ودعسان
وعقب (الشعيبة) و(الجليدة) بعامين
..............صالوا على (حائل) وفيها الخلل بان
وين (آل طواله) تاجهم والنياشين؟!
...........وين (آل بعير) وين (زوبع) و(تومان)؟!
وين (الضياغم) حامية حوزة الدين ؟!
.............أيام ذاك العز في (قصــر برزان)
وعبده وكل أولاد علي المسمين
................فيما عدا الخايب على سلم كوبان
وقالو ب(أخو نوره) خزام السلاطين
..............من العالية حدَّر كما (طير حوران)
في يومها بانت جميع العناوين
..............والثأر يوم (المسعـري) عقبها كان
مثل ما (إبن سعدون) جوه المثارين
..............وخلوه شمر عبرة طول الأزمـان
احترامي لكم
الاسلم وبعض مواقفهم في الحميه !
ابـو حمــد 
العرض العادي
