القصه ليست بالبعيده فهي بزمن ابن مساعد أمير حائل والقصه أنه اتى الشيخ ابن عفراء الغضوري العنزي يسوق الغضاوره معاه ولفى عند الشيخ بدر ابن رباح شيخ الغيثه وكان على سقف فرحب الشيخ به واكرمه
وقال الشيخ ابن عفراء يابدر ودنا نقاربكم ونرد بحلالنا على قلبانكم وجيانكم فرحب الشيخ بدر بالموضوع وبعد مده اتوا خدام ابن مساعد الى الشيخ بدر وبعد ماتقهووا قال أحدهم يابدر جاء ابن عفراء عند طويل العمر وطلب حدى الجيان وأعطاه الامير بشرط انه مايزاحم أهل الضلعان وهذي الورقه اللي يقول أقره على الشيخ بدر فقال الشيخ بدر طويل العمر أبون لنا وحنا نسمع ونطيع وبعد ماتعشوا وناموا الخدام ارسل حدى ربعه الى جماعته وقال له رح يم ربعنا وقل راعي الفرس فرس وراعي الذلول زلول والرجلي مثلهم الا البواريد لاينقلونه ولايصبح الصبح وباقيا" من حلال عنزه شين سمعت قال ابشر وراح يمهم وجو ربعه ويوم أصبحوا ويامار الحلال واردن على الماء ويهجون به ويأخذونه ويتقشمون به بيوت عنزه وحتى الخدام ماسلموا ويروحون لبن مساعد قال والش العلم قالوا الحمد لله أللي ورانا عيونك الخبر قالوا ياطويل العمر حنا جينا ناس مادريوا عن حكمك ويعلمونه بالسالفه ويزعل الامير ويداهم وقال أهب فكوا ديرتهم هذي القصه بأختصار
وبهذه المناسبه يقول شلاش المفضي الغيثي هذه القصيده
هيه من يبي تماثيل العريف =شاطرا" بالقيل ياداره لقاه
هيه ياراكب عجل الزفيف =مايداني راكبه ينهض عصاه
بالوصايف كن أذانه له وشيف =أطفح الكوعين مرفوع ذراه
كن أذان الذيب بالوصف الجعيف =يامشى عد الوحش ينهش قفاه
مدمج الساقين يسبق بالرديف =السلايل ماتعوقه عن هواه
راكبه ينطح معه وادي المخيف =لايذل ولايخاف اليا نخاه
اركبه يارسل بالقيل النظيف =صوغ نيرات النصارى من حلاه
راكبه دون ابن عفراء لاتقيف = قولتن عن حدنا ينزح وراه
قل شيخنا يالغضوري ماهو خفيف = عند عقب أجدودنا شينن عياه
عند عقب أجدودنا نفسه تحيف = مايداني الاجنبي اليا وطاه
حنا ربعك نودع المصعب عسيف = ننكس العايل يسار عن هواه
حنا ياثار الدخن مثل الخريف = ضدنا يشبع ويروى من غثاه
كم صبي نجدعه مثل الشنيف = تاكله بقع النسور الهافياه
من بقانا عيلتي يرجع معيف = ننكسه بأمر الولي رافع سماه
سقف اليا طب بجنابه ريف = عنده هله تعتصم بالله
عدوا فضل كم ذبح بهييف = دون ديره شمر وحماه
وابن هذيل مات يم السيف = يوم قيل الاجنبي وطاه
شيخنا ياجار جيره ماتقيف = ماتذوق ..............قرقوح ماه
لولا المقرن مرويت حد الرهيف = تنزل بمنزل هلك الاولاه
يرتعد من حكمهم حتى الشريف = واليمن والشام واللي من وراه
وسلامتكم